Home Press Releases Papiamentu
Press Releases Papiamentu
MFK/PS/MAN a hiba un maneho finansiero desastroso
Thursday, 11 October 2012 20:00

E publikashon resien di Minister Presidènt i e anterior Sekretario General di Ministerio di Finansa, ta konfirmá e situashon sumamente krítiko di finansa públiko. Ademas, e informashonnan aki ta konfirmá e análisnan realisá pa e Kolegio di Supervishon Finansiero.

Kada biaha ta birando mas kla, ku e gabinete anterior di e partidonan MFK/PS/MAN a hiba un maneho finansiero desastroso i a purba di tur manera pa kamuflá esaki, ora ku konsientemente no a duna nos sosiedat informashon of a duna informashon robes.

Read more...
 
Komportashon Anti-demokrátiko ta Malu pa Kòrsou
Wednesday, 26 September 2012 20:00

VBC ta hasi un apelashon urgente na Minister Presidènt demisionario i su gabinete, pa respetá e moshonnan di deskonfiansa ku Parlamento a aseptá kontra nan. Yamadanan pa protestá ku “akshon” kontra di e desishon aki di un mayoria, lo por kondusí na problema di órden públiko, loke lo hasi e krísis konstitushonal ainda mas serio i e daño kousá ainda mas grave. Kòrsou simplemente no por permití su mes un eskalashon di e krísis aki ku ya a kousá hopi daño na pais.

Read more...
 
Kalidat di bida di Kòrsou ta den wega
Wednesday, 19 September 2012 08:26

Kòrsou ta birando dia pa dia un peliger serio pa tur siudadano en general i empresario en partikular. Ku resentimentu total, VBC, Asosashon di Komersio i Industria, a tuma nota di e asesinato  brutal di un pareha, den e di tantísimo atrako kometé den pais. Último tempu kada biaha por ripara ku siudadano i empresario ku ta traha duru, ta bira víktima di atrako, robo komo tambe tiroteo ku morto komo konsekuensha. Palabranan sinsero di kondolensha na e famia di esnan ku a fayesé ku e hecho tristu aki, totalmente inaseptabel.

Read more...
 
Krisis Aktual: Rumbo pa Destrukshon di nos Ekonomia
Sunday, 16 September 2012 23:20

Kòrsou a bira ingobernabel. Esaki ta e afirmashon ku VBC lamentablemente mester yega na dje, tumando kuenta di e último susesonan polítiko. Ku e situashon aki formando un menasa serio pa e desaroyo ekonómiko i sosial ya frágil di Kòrsou, VBC ke duna 24 ora pa gobernante i parlamentarionan lokal, yega na un akuerdo. Si esei no logra, mester apliká e Medida General di Supervishon Real (AMRB) pa re-establesé nos demokrasia parlamentario.

E situashon  apsurdo i kaótiko  aki ta konsekuensha direkto di e pregunta si a baha e (eks)-presidente di Parlamento si òf no. E último aki a aktua totalmente sin koutela i kontra di tur aspekto di derecho , ora ku e so a disidí di suspendé tur reunion di Parlamento te ku otro aviso.

Read more...
 
Presidente di Parlamento Ivar Asjes a kometé un gòlpi di estado
Friday, 31 August 2012 20:00

Kontrali na loke e presidente di Parlamento di Kòrsou a afirmá ta resultá ku e no a evitá un gòlpi di estado pero ku ta ku ta e mes a kometé e gòlpi di estado. Djabièrnè dia 24 di Ougùstùs, presidente di Parlamento a suspendé tur reunion di Parlamento, bou di e preteksto ku e no ta bai kooperá ku un gòlpi di estado parlamentario. E suspenshon no tin límite di  tempu. Esaki ta enserá ku diskushon i partisipashon di Parlamento no ta permití. E presidente a tuma e desishon aki riba su mes.  Pa e siguiente motibunan, VBC, Asosashon di Komersio i Industria ta kondená e aktuashon di e Presidente di Parlamento, desaprobando esaki totalmente.

Read more...
 


Page 4 of 5
Copyright © 2019 Vereniging Bedrijfsleven Curaçao. All Rights Reserved.
Joomla! is Free Software released under the GNU/GPL License.