Lei di reparashon di seguro básiko lo sigui stanka ekonomia.
Wednesday, 29 October 2014 09:14

Ku gran preokupashon Asosias hon di Komèrsio i Industria di Kòrsou (VBC) a tuma nota di desishon di mayoria di Staten i Gobièrnu pa bai di akuerdo ku lei di reparashon di seguro básiko (BVZ).

Hecho ta ku e lei aki lo no kondusí na hasi situashon rònt di gastu mèdiko mas saludable ni salba e fondo di seguro básiko ku ta den un situashon alarmante di défisit finansiero. Kontrario: ku aseptashon di e lei di reparashon, mandatario i parlamentarionan ta duna un señal ku konsientemente nan kier hiba ekonomia ku ya ta den un situashon depres ivo kaba, mas atras ainda.

Read more...
 
Kresementu ekonómiko: e mihó instrumento kontra kriminalidat
Friday, 18 July 2014 10:54

Konsekuensia di kresementu ekonómiko marginal i krempmentu di ekonomia durante e último 20 añanan ta manifestando su mes klaramente. Hecho ta ku no tabatin kresementu ekonómiko duradero loke a kondusí na insufisiente kupo di trabou i entrada, oumento di desempleo, pobresa, den un par di palabra falta di perspektiva i perspektiva deprimente.

E tiramentu mortal ku a shòk komunidat na aeropuerto internashonal Hato ta e siguiente punto profundo. Hopi tristu. Pero nos no mester lubidá ku komunidat ya pa basta tempu ta ser molestiá i intimidá dor di kantidat di atrako, ladronisia i otro práktikanan intimidante i ilegal. Ta parse mas i mas ku Kòrsou ta na kaminda pa kai den un spiral negativo, loke no ta un bon desaroyo.

Read more...
 
Metementu polítiko ta funesto pa eksistensia di Aqualectra
Friday, 06 June 2014 00:00

Pa bisa ku situashon di Aqualectra aktualmente ta hopi preokupante ta un “understatement”. Prinsipal motibu ku a kondusí na e situashon inaguantabel aki ta konosí: maneho di kompanianan gubernamental a base di puntonan di salida polítiko en general i en espesial na Aqualectra, en bes di un maneho basá riba argumentunan komersial i empresarial. Pa por solushoná di e problemátika Aqualectra i otro empresanan i entidatnan gubernamental lo mester buska esei den direkshon di introdukshon di un Regulatory Board i un Outoridat di maneho di kompetensha polítikamente independiente, kapas i transparente. Di e forma aki lo evitá ku métodonan di produkshon inefisiente i trahadónan sin kualifikashon ta drenta djis pa probecho polítikamente popular.

Read more...
 
Falta di Plaka Largá ta Opstakulisá Komersio
Tuesday, 18 March 2014 08:51

Aktualmente trafikashon di pago na Kòrsou ta haña molèster di falta di plaka di kambio sufisiente. Prinsipalmente na supermerkado i negoshinan chikí esaki ta manifestá su mes.

No ta pa promé biaha ku e fenómeno aki ta sosodé. Den añanan pasá e asuntu aki a bini na kla na diferente okashon i tabata motibu pa Asosiashon di Industria i Komèrsio di Kòrsou (VBC) insistí serka outoridatnan di Banko Sentral di Kòrsou i St. Martin (CBCS) i Minister di Finansa pa buska un solushon struktural pa e problemátika aki. Entre otro a hasi e proposishon pa eliminá sèn chikí i limitá  tur preis na sumanan di sinku sèn. Naturalmente mester paga tinu si pa e stòk físiko di plaka keda riba nivel pa evitá ku ta bini skarsedat.

Read more...
 
No por permití intimidashon ni menasa
Friday, 21 February 2014 08:04

Altamente preokupá Asosiashon di Komèrsio i Industria di Kòrsou (VBC) a tuma nota di informashon di medionan di publisidat ku ya pa algun tempu kaba tin intimidashon i menasa ta tumando lugá kontra Minister di Salubridat Públiko, Medio Ambiente i Naturalesa i ku aparentemente hasta a atentá di likid’é.

VBC ta kondená e akto aki enérgikamente, komo ku esaki apsolutamente no ta pèrmitibel den un estado di derechi demokrátiko. E tipo di práktikanan aki no ta kontribuí èt òl pa krea un klima di bida i di invershon atraktivo, na desaroyo ekonómiko duradero i/òf na un mihó ambiente di siguridat.  Al kontrario si ta normal ku por menasá un Minister, kon ta para ku e siudadano?  Ta sin protekshon esei ta?

Read more...
 


Copyright © 2019 Vereniging Bedrijfsleven Curaçao. All Rights Reserved.
Joomla! is Free Software released under the GNU/GPL License.