Areglo Di Retiro Muchu Generoso Ta Stroba Restrukturashon
Tuesday, 17 December 2013 11:56

Den e mundu kaminda merkadonan ta kambia  rápidamente, empresanan no ta skapa di introdusí restrukturashonnan na tempu. Ku e proseso ei por bai ku retironan obligatorio ta masha fèrfelu i doloroso, pero no ta algu straño mundialmente. Komo kompensashon pa pèrdida di trabou a traha tur sorto di areglo. Na Kòrsou nos konosé lei di sesantia i palabrashonnan for di kontratonan kolektivo di trabou(CAO). Pero tambe e fórmula originá i desaroyá na Hulanda e asina yamá ‘kantonrechtersformule” ta ser mas i mas usá akinan i ta parse ku poulatinamente esaki ta bira stándart.

E fórmula aki ta trese gastunan eksorbitante pa empresanan i ta hasi un restrukturashon normal kasi imposibel.

Read more...
 
VBC ta sostené proposishonnan di gobièrnu pa baha gastu
Tuesday, 10 December 2013 09:31

Asosiashon di Komèrsio i Industria di Kòrsou (VBC) a tuma nota di proposishonnan di Minister BPD i Gobièrnu pa den kuadro di saneamentu di finansa públiko strukturalmente, redusí e gastunan di Gobièrnu. Entre otro lo tin ku ekonomisá den e parti di gastunan di personal ku ta un di e gastunan mas altu di Gobièrnu. Konkretamente ta bai pa medidanan manera adaptashon di e areglo di penshun (basá riba middelloon), eliminá areglo di VUT, aplasá indeksashon i alsa salarial i parti pago di vakashon na dos. Huntu ke eseinan lo tin kompensashon den  forma di un areglo di transishon pa loke ta penshun di behes i riba tereno di  seguro di malesa (2e klas, brel, dentista, prima nominal ets).

Read more...
 
Krea Pániko Innesesario no ta Benefisiá Kòrsou
Wednesday, 24 October 2012 10:25
VBC, Asosashon di Komersio ke duna un Pabien Grandi na Kòrsou, pa e forma ku e elekshon di Parlamento a tuma lugá. No tabatin ningun insidente di importansha loke a demostrá e sivismo ku Kòrsou ta poseé. VBC igualmente ta felisitá e partidonan polítiko ku a resultá ganador den e kontienda elektoral.

Awor ku e elektorado a duna un mandato mester spera ku e gobernantenan polítiko ta bai hasi e máksimo esfuerso pa mehorá progreso i bienestar pa tur siudadano di Kòrsou. Ta bon konosí ku tin un kantidat di problema sosial, finansiero i ekonómiko ku pais ta konfrontá, ku lo mester keda atendé i solushoná ku urgensha. Ta evidente ku esfuerso i yudansa di tur sektor lo mester ta envolví pa aselerá e mehorashon nesesario.

Read more...
 
Kòrsou tin mester di lider ku nivel haltu di integridat
Sunday, 14 October 2012 20:00

Tur kos ta indiká ku Kòrsou tin dos opshon dia 19 di Òktober próksimo: Vota pa prinsipio òf vota pa plaka. VBC, Asosashon di komersio i industria di Kòrsou, ta hasi un apelashon urgente na tur hende ku ta bai vota, pa nan pensa bon kua ta e mihó kaminda ku Kòrsou mester sigui pa un mihó futuro.

E kantidat di indikashon i prueba ku e nivel di integridat di e anterior gobièrnu di MFK/PS/MAN  ta na suela, kada dia ta oumentando. Esaki a trese serka un gran parti di nos sosiedat e realisashon ku den un espasio di tempu rápido di dos aña Korsou a a kay den un situashon ku Dr. Tennyson Joseph di e Universidat di West Indies a fórmula asin’aki:

“Criminalization of the state. A point at which the politics of ideas, freedom, democracy, sovereignty and national self-determination gave way to the politics of money in a changed political culture driven by a new genre of politician… whose skills set is no different from that of the petty thief and average con man”.

Read more...
 
MFK/PS/MAN a hiba un maneho finansiero desastroso
Thursday, 11 October 2012 20:00

E publikashon resien di Minister Presidènt i e anterior Sekretario General di Ministerio di Finansa, ta konfirmá e situashon sumamente krítiko di finansa públiko. Ademas, e informashonnan aki ta konfirmá e análisnan realisá pa e Kolegio di Supervishon Finansiero.

Kada biaha ta birando mas kla, ku e gabinete anterior di e partidonan MFK/PS/MAN a hiba un maneho finansiero desastroso i a purba di tur manera pa kamuflá esaki, ora ku konsientemente no a duna nos sosiedat informashon of a duna informashon robes.

Read more...
 


Page 1 of 4
Copyright © 2019 Vereniging Bedrijfsleven Curaçao. All Rights Reserved.
Joomla! is Free Software released under the GNU/GPL License.